На ден 15.08.2025 година, мрестилиштето „Шум“ во с. Шум, Струшко, го посети Министерот за земјоделство, шумарство и водостопанство, Г-дин Цветан Трипуновски, со цел да се запознае со подготовките за отпочнување на процесот на порибување на Охридското Езеро, со охридска пастрмка.Во текот на оваа сезона 2024/25 година Институтот измрести 460.000 (четиристотини и шеесет илјади) зрна икра, од кои требаше да се одгледат минимум 200.000 (двеста илјади) единки подмладок од охридската пастрмка, за кој доби 1.000.000,оо (еден милион) денари од Програмата за финансиска поддршка на рибарството и аквакултурата. При увидот Министерот беше запознат со фактот дека Институтот успеа да одгледа значително поголем број од предвидениот (350.000 единки), со што значително ја надмина бројката, за која беше обврзан согласно Договорот со Министерството за земјоделство, шумарство и водостопанство (МЗШВ) за вештачки мрест за 2025 година. Во однос на следните активности, веќе е потпишан Договорот за спроведување вештачки мрест на охридската пастрмка, сезона 2025/26 година.