Го опфаќа периодот на интеграција на сите институции што се занимавале со проблематиката од областа на сточарското производство во Република Македонија (сточарскиот отсек на Земјоделскиот факултет, дел од Институтот за сточарство и ветеринарство и Заводот за рибарство) во една основна организација – ООЗТ Институт за сточарство во состав на РО Земјоделски факултет.

Го опфаќа периодот по дезинтеграцијата на Институтот од РО Земјоделски факултет, кога на почетокот на 1990 година Институтот за сточарство почнува да работи како работна единица на РО Земјоделски институт, со две основни дејности: научна и апликативна.

Согласно Законот за научноистражувачка работа, во 1995 година Институтот повторно го стекнува правото да се регистрира како научна институција, под името Јавна научна установа „Институт за сточарство“ – Скопје. Исполнувајќи ги условите од регистарот како научноистражувачка организација, обезбедувајќи доволен број доктори на науки, според член 357 од Законот за облигациони односи и во врска со член 16 став 1 од Законот за научноистражувачка дејност („Службен весник на РМ“ бр. 16/85), Собранието на Универзитетот „Св. Кирил и Методиј“ во Скопје, донесе Одлука до МОН, со која го информира државниот орган на 27.7.1995 година да донесе Одлуката за организирање на Институтот за сточарство како научноистражувачка организација, во рамките на Универзитетот „Св. Кирил и Методиј“ – Скопје.

Решението на надлежното министерство за образование и наука беше донесено согласно со одредбите на Законот за научноистражувачка дејност, Министерството за наука на Република Македонија и врз основа на член 63, став 2 од Законот за научноистражувачка дејност („Службен весник на РМ“ бр. 13/96), врз основа на кое, донесе Решение дека Институтот за сточарство ги исполнил условите за стекнување својство на јавна научна установа. Со донесувањето на ова Решение, потпишано од страна на тогашниот министер за наука, Институтот за сточарство се запиша во Регистарот на научни установи под водство на Министерството за наука, како јавна научна установа под регистарски број 12.

Oдбележува забрзан развој на Институтот во однос на усовршување на своите научни кадри, подобрување на материјалната база и зголемување на својата дејност како јавна научна установа.

Cо Законот за научноистражувачка дејност, донесен во март 2008 година, ЈНУ Институт за Сточарство - Скопје се трансформира од Јавна научна установа во единица во состав на Универзитетот “Св. Кирил и Методиј” во Скопје, насочена кон наука, настава и апликација.

Со статутарна одлука за измена и дополнување на Статутот на Институтот за сточарство во Скопје, во состав на Универзитетот “Св. Кирил и Методиј” во Скопје, УКИМ Институт за сточарство – Скопје, го менува своето име во УКИМ Институт за сточарство и рибарство – Скопје (Универз. гласник бр. 645 од 10.03.2023 год.).