Институтот за сточарство и рибарство е основан во 1952 година и претставува една од најстарите научни институции во земјата во областа на аграрните науки. Денес функционира како научна институција и е составен дел од Универзитетот „Св. Кирил и Методиј“ – Скопје.
Во текот на своето повеќедецениско постоење, Институтот поминал низ шест развојни фази, со јасна насока кон научна извонредност и примена на знаењето во пракса. Од скромни почетоци со ограничени ресурси, денес Институтот се истакнува со стручен кадар, современа опрема и континуирана заложба за унапредување на сточарството и рибарството.
Фокусот останува на научноистражувачка работа, развој на наставата и апликативни решенија кои придонесуваат за одржлив и конкурентен аграрно-прехранбен сектор во Македонија.